මම ආසයි..
එකම එක පාරක්වත්
ඔයාගේ අතේ එල්ලිලා,
මම යන්න හරිම බය
අර ලොකුම ලොකු ගහ යටින්,
පොඩ්ඩක්වත් බය නෑ වගේ
ඇවිදන් යන්න...

මම ආසයි,
ඔයාගේ උරහිසක ඔළුව තියාගෙන,
පුංචි පුංචි මල් පෙති,
හුලඟට වැටෙන දිහාවේ
ගොඩාක් වෙලා බලාගෙන ඉන්න.
ඒ මල් පෙති වලින්
ඔයා මම වෙනුවෙන්ම
මල් වැස්සක් මවනවා නම්,
මම ඒකටත් ආසයි...

මම ආසයි,
මට ඇඬෙන්න එන වෙලාවට
ඔයා ගාවට ඇවිත් ඔයාගේ
පපුවට හේත්තු වෙලා,
ගොඩාක් වෙලා අඬන්න,
එතකොට ඔයා
මගේ ඔලුව ආදරෙන් අතගාන එකට
මම ඊටත් වඩා ආසයි...

මම ආසයි
මහ වැස්සේ ඔයා ගාවින්ම
කුඩයක් නැතුව
තෙමි තෙමී යන්න,.
මගේ මූණට වැටෙන පිණි බිඳු නිසා
මම වෙනදටත් වඩා ලස්සනයි කියලා
ඔයා කියනවා නම්..
මම ගොඩාක්ම ආසයි,.
ඒ ඔක්කෝටම වඩා,

මම ආසයි,
ඔයාට ආදරේ කරන්න,
මගේ හිත රිදෙනකල්ම,
හිතට නින්දක් නැති වෙනකල්ම,
හිත තද වෙලා එලියට පනින්න ලං වෙන කල්ම
ඔයාට ආදරේ කරන්න.
ඔයාට ගොඩාක්ම ආදරේ කරන්න... 

ප.ලි- කාලෙකට කලින් මම ලියපු කවියක් මේ.. හිතූ නංගා එක්ක බුකියේ චැට් එකක් දාගෙන ඉන්නකොට නංගා මට එවපු කවියක් නිසයි අපි දෙන්නටම මේ කවිය දාන්න හිතුනේ... හිතූ නංගාගේ කවියට මෙතනින් යන්න පුළුවන්.. කියවලාම බලන්නකෝ මේ දෙක කොයි තරම් එක සමානද කියලා..